Во петокот на Градскиот стадион „Гоце Делчев“ во Прилеп екипата Цевитана беше домаќин на Истатов, на пријателски меч од женскиот фудбал. Гостинскиот клуб е интересен по тоа што има промени во осумгодишното постоење. Формиран е летото 2015 година со презимето на славниот голман од Струмица Благој Истатов. Тогаш седиштето е во Нов Дојран и натпреварите како домаќин ги игра на Игралиштето „Дојранско Езеро“. Така е се до летото 2022 кога се преместува во Скопје и игра на Стадионот „Цементарница 55“. Но, тоа не е се. За есенва, како терен каде ќе биде домаќин, најавен е на игралиштето во Речица, Кумановско.
Првпат Истатов во Речица ќе биде домаќин во 3. рунда од Првата лига на македонија, кога се среќава со Цевитана.
