Во салата од ООУ „Добре Јованоски“ во Прилеп се одигра пријателскиот меѓународен кошаркарски натпревар на младинските екипи до 16 години, Мега баскет – Лариса. Гостите од Грција се на подготовки во Крушево и ја искористија можноста да одиграат контролен меч во Прилеп. Домашниот тим, предводен од тренерот Сашо Костоски, се подготвува за квалификациските мечеви за Првата А-лига, каде првиот меч е в недела, дома, со Универзитет Тетово.
На натпреварот присуствуваше кошаркарската легенда Стерули Андоновски, кој во иднина ќе биде тренер-советник во Мега баскет.
