Иако Детонит со добрата игра го оправда високото 3. место на табелата од Втората лига, сепак загуби со 2:0 од Победа во Прилеп. Детонит во голем дел од мечот имаше иницијатива и шанси, но најважното го немаше – стрелец. Ниеден удар не одеше на вистинското место, туку претежно крај или над голот, еднаш во дирекот, а неколкупати одлично одбрани домашниот голман Иван Николоски, младинскиот репрезентативец.
За Победа натпреварот почна одлично, со водство. Во 5. минута од слободен удар оддесно центрираше Христијан Поп-Антоски, во мешаницата од пред петерецот со глава неодбранлив удар упати Филип Стомнароски за 1:0. Се до 39. минута се водеше рамноправна борба, а тогаш сите надежи на гостите за поволен резултат им ги уништи Алекс Константино Горгиовски. По центаршут оддесно на Беким Алимоски, со силен волеј-удар Горгиовски ја погоди мрежата под самата пречка за 2:0. Иако до крајот имаше многу да се игра, се наѕираше победата на домашниот тим. Детонит вложи многу труд, имаше обиди барем за намалување на резултатот, но од тоа никаква полза.
ПОБЕДА: Николоски, Талески (84. С. Спиркоски), Стомнароски, Кочоски (61. И. Трајкоски), Алимоски (67. Ивчески), Дебрешлиоски, Ф. Димоски, Ј. Наумоски, Поп-Антоски, Горгиовски, Кофиловски (84. Паноски). Тренер: Јане Николоски.
ДЕТОНИТ: Ѓорѓиев, С. Бабунски (72. Николовски), Керим, Бошески (72. Смилков), Христов, Настевски, Христовски (46. Фејзуловски), Мирчевски (85. Митревски), Чиљафи, Стојанов, Алиу (46. Кудијан). Тренер: Иван Варадиновски.
РЕЗУЛТАТИ 8. РУНДА: Победа – Детонит 2:0, Осогово – Саса 1:1. Охрид – Арсими 1:0, Пелистер – Скопје 0:0, Беса – Вардар Н. 4:1, Тетекс – Караорман 1:1, Башкими – Кожуф 2:0, Беласица – Новаци 3:1.
ТАБЕЛА: Беса 21, Пелистер 17, Детонит и Охрид 16, Кожуф 15, Тетекс и Башкими 13, Беласица 12, Победа 11, Новаци 10, Арсими 9, Скопје 8, Осогово 7, Вардар Н. и Саса 6, Караорман 4.
СЛЕДНО 9. КОЛО (21 октомври во 14 ч.): Кожуф – Победа, Новаци – Охрид, Саса – Беласица, Детонит – Осогово, Караорман – Башкими, Вардар Н. – Тетекс, Скопје – Беса, Арсими – Пелистер.
ВИДЕО-ИЗВЕШТАЈ НА ЛИНКОТ:
