Денеска (14 ќ.) се седум меча од 8. рунда на Втората фудбалска лига на Македонија. На Градскиот стадион „Гоце Делчев“ во Прилеп е дуелот Победа – Детонит. Главен судија е Александар Урошевиќ, помошници Дарко Јовчевски и Идриз Идризи (сите од Тетово), а делегат Илир Бектеши (Струга). На овој меч Победа има нов тренер, шеф на Стручниот штаб – Јане Николоски. Тежок меч, со оглед на тоа што Детонит освои 16 бода, двојно повеќе од Победа. Интересно за Детонит е што тешко прима гол, со исклучок на мечот со Тетекс (поразен со 4:0), на сите други 6 дуели има само уште еден примен гол (при победата над Скопје од 4:1), а има дадено трипати повеќе – 15.
ВЧЕРА: Осогово – Саса 1:1. ДЕНЕСКА ОД 14 ч.: Победа – Детонит, Охрид – Арсими, Пелистер – Скопје, Беса – Вардар Н., Тетекс – Караорман, Башкими – Кожуф, Беласица – Новаци.
ТАБЕЛА: Беса 18, Пелистер и Детонит 16, Кожуф 15, Охрид 13, Тетекс 12, Новаци и Башкими 10, Арсими и Беласица 9, Победа 8, Скопје и Осогово 7, Вардар Н. и Саса 6, Караорман 3.
