Синоќа Албанија со 3:0 ја совлада Чешка, во 7. коло од Е-групата на кваклификациите за Европското фудбалско првенство. Меѓу јунаците на мечот, по кој Албанија е на чекор до пласманот на Европското, е Јасир Асани, некогашниот фудбалер на прилепска Победа. Тој во 9. минута го постигна првиот гол, вкупно трет во квалификациите. Асани, роден во Скопје, за Победа има играно есента 2017 во Првата лига. Сега е член на корејскиот Гвангжу.
Интересно е што другите два гола против Чешка ги даде Тауљан Сефери, роден во Куманово.
