Клубот Победа информира дека потпиша договор за соработка со Агенцијата ТФА од Дубаи (Обединети Арапски Емирати). Според договорот, веќе на 4 и 5 август ќе има камп на Градскиот стадион „Гоце Делчев“ во Прилеп за фудбалери од 16 до 24 години. На овој начин Агенцијата со свои скаути, кои доаѓаат една недела порано во градов, е во можност да согледа со што моментно располагаат македонските фудбалски клубови, школи и академии. Прилеп е избран за фудбалски центар на цела Македонија, а тоа не е случајно, бидејќи Победа има една одлична Школа, од која пред две години младинската екипа стана македонски шампион и имаше учество во Младинската лига на УЕФА.
Впечаток е дека интересот за учество на кампот е голем, па оттука и одлуката за вкупно четири кампа во текот на годината.
