Деновиве во Стручниот штаб на сениорскиот второлигашки тим на Победа е вклучен Христијан Сркески. Ја има улогата на тренер на голманите, тренер наследник на Жарко Димески, кој се повлече поради други работни обврски. Така Сркески е асистент на Јане Николоски, покрај Стојанче Дунимаглоски.
Сркески (има само 32 години) е познат на јавноста многу одамна, уште од времето кога беше голман во сениорскиот тим на Победа, во сезоната 2009/10 во Првата лига на Македонија. Во кариерата има настапувано и за повеќе други клубови, како Шкупи, Миравци, Кожуф, Хедис за мал фудбал, Преспа…
Сркески напоредно работи како тренер на голманите и во Младинската школа на Победа, во стручниот тим на кординаторот Кире Овезоски.
