Денеска беше 15. рунда од Третата лига – Југ, а дербито беше меѓу лидерот Големо Коњари и третиот Превалец. Резултатот е нерешен, 1:1. Головите паднаа во само 4 минути. Поведоа гостите преку Давид Секуловски во 39. минута, а израмни Онур Имероски во 42. Минута. Интересно е што 23-годишниот Имероски (има играно и во Словенија) беше на резервната клупа, но таму беше најкусо што се може, бидејќи влезе во игра уште во 1. минута, заменувајќи го младинецот, 17-годишниот Давид Касниоски.
Во извештајов фотографиите се од мечот Ултрас – Бучин (1:1), на игралиштето со вештачка трева во Прилеп, каде главен делител на правдата беше меѓународниот судија Влатко Илиоски.
РЕЗУЛТАТИ/СТРЕЛЦИ ОД 15. КОЛО: Големо Коњари – Превалец 1:1 (Онур Имероски 42. – Давид Секуловски 39.), Питу Гули – Слога 1:1 (Соте Волчески 5. – Андријан Волчески 47.), Дреново – Венец 1:5 (Армен Мемедов 41. – Петар Ристовски 15., 57., 67., 79., 84.), Башкими – Младост 1:0 (Зани Ахмедовски 73.), Ултрас – Бучин 1:1 (Бобан Тошески 28. – Андреј Николовски 37.) ). Слободни беа Влазними јуниор и Росоман.
ТАБЕЛА: Големо Коњари 32, Башкими 31, Превалец 28, Венец 24, Младост 23, Ултрас и Росоман 20, Питу Гули и Бучин 17, Слога 11, Дреново 8, Влазними јуниор 7.
СЛЕДНО 16. КОЛО: Превалец – Ултрас, Бучин – Башкими, Росоман – Влазними јуниор, Венец – Питу Гули, Слога – Големо Коњари. Слободни се Младост и Дреново.
