Поради трагедијата во Кочани беа одложени натпреварите од 21. коло на Втората фудбалска лига на Македонија, како и 16. коло од Третата фудбалска лига – Југ, рангови каде има екипи од ОФС Прилеп. Цело 21. коло од Втората лига што требаше да биде на 16 март (недела) преместено е за 24 март (понеделник) во 15 часот. Тогаш се игра мечот Охрид – Победа, а и другите од ова коло: Башкими – Вардар Н., Беласица – Новаци, Арсими – Саса, Македонија ЃП – Вардарски, Борец – Осогово, Брегалница – Скопје и Детонит – Кожуф.
Од 16 март (неделата) неодиграното 16. коло на Третата лига – Југ е преместено за 26 март (среда) во 15 часот. Тогаш ќе се одиграат следниве мечеви: Превалец – Ултрас, Бучин – Башкими, Росоман – Влазними јуниор, Венец – Питу Гули и Слога – Големо Коњари.
Во очекување е датум за три одложени меча од 16. коло во Втората футсал лига на Македонија, Овче Поле – Победа, Каршијака – Конзули и Карадаку – Кораби. Во оваа лига ден-два порано се одиграа мечевите СЕЕ Универзити – Скопје 10:4, Балкан – Мал Ајакс 6:2 и Кратово – Партизан 8:0.
