Поради трагедијата во Кочани беа одложени сите спортски натпревари во државава, презакажани во нови термини, по деновите на жалост.
За прилепските фудбалски екипи интересни се четири ранга. Во рамките на Втората лига на Македонија мечевите од 21. коло се закажани за 24 март (понеделник) во 15 часот. Тогаш се игра мечот Охрид – Победа, а и другите од ова коло: Башкими – Вардар Н., Беласица – Новаци, Арсими – Саса, Македонија ЃП – Вардарски, Борец – Осогово, Брегалница – Скопје и Детонит – Кожуф.
Трите одложени меча на 16. коло од Втората футсал лига на Македонија се закажани за 24 март (понеделник). Тој ден во 18,30 часот е дуелот во Свети Николе, Овче Поле – Победа, а вечерта се играат и другите мечеви, Карадаку – Кораби и Каршијака – Конзули. Во оваа лига порано се одиграа мечевите СЕЕ Универзити – Скопје 10:4, Балкан – Мал Ајакс 6:2 и Кратово – Партизан 8:0.
Од Третата фудбалска лига – Југ на ред е 16. коло закажано за 26 март (среда) во 15 часот, со натпреварите: Превалец – Ултрас, Бучин – Башкими, Росоман – Влазними јуниор, Венец – Питу Гули и Слога – Големо Коњари.
Датумот 30 март (недела) е ден за 8. коло, што значи старт на пролетниот дел од општинските лиги на ОФС Прилеп. Најавени се мечеви во двете групи, А и Б. Во А-групата се среќаваат: Напредок Крушеани – Кадица Забрчани, Корзо Прилеп – Стрела Ерековци, Козара Заполжани – Прилеп сити. Слободна е екипата Млекар Мало Коњари. Еве ги двојките и од Б-групата: Боротино – Црвена ѕвезда Сенокос, Гарван Десово – Братство Големо Коњари, Кадино – Пролетер Прилеп. Слободна е екипата Динамо Мажучиште.
Од ракометот за прилепчаните интересни се два ранга. Во Супер лигата на Македонија за мажи е 22. коло. За вторник во 19,30 часот е закажан мечот во Прилеп, Прилеп – Еурофарм Пелистер. Претходно и потоа се другите дуели: Вардар – Струга, Тиквеш – Борец, Бутел – Пролет, Радовиш – Куманово и Алкалоид – Охрид.
Во Женската ракометна лига на Македонија, во плејаутот на ред е 3. коло. Закажано е за 26 март (среда). Во Прилеп е дуелот Деспина – Стружанка, а уште се среќаваат МРК Ѓорче Петров – Шампион и Спартак – Пелистер.
Одложени се и четири меча од 18. коло на Втората кошаркарска лига на Македонија за кои веќе се одредени нови датуми. Така, мечот Црн Дрим – Мега баскет е вторник од 15 часот во Струга, а во три дена ќе се одиграат уште овие дуели, Работнички – Охрид, Водно – Маџари и МЗТ Уни банка – Ангели. Претходно одиграни се два меча: Бутел – Борец 73:56 и Соколи – ФМП 80:53.
