Екипата на Канатларци е вториот финалист од плеј-офот за првак на ОФС Прилеп, откако попладнево со 6:5 во серијата пенали го совлада Мукос од Дреновци, на Градскиот стадион „Гоце Делчев“ во Прилеп. Во основниот дел од натпреварот беше нерешено, 2:2. Мукос во првото полувреме даде два гола, поведе со 2:0, со головите на Мартин Димески и на Миле Стојчески. 
Но во второто полувреме дојде до пресврт. Со головите на Денис Мустафоски од пенал и Ферат Амедоски Канатларци го израмни резултатот на 2:2. До крајот немаше победник и по исклучувањето на Оскан Исламоски од Канатларци. Во серијата шест пенали за Мукос пет гола дадоа Николче Ристески, Миле Стојчески, Мартин Димески, Благоја Димкоски и Зоран Ристески, додека за Канатларци сите шестмина беа реализатори – Бурхан Алиовски, Ферат Амедоски, Мехмедали Јусуфоски, Денис Мустафоски, Октај Јусуфоски и Окан Јусуф, па со 6:5 Канатларци оди во финалето.
Противник на Канатларци е Гарван од Десово, по победата од 1:0 над Влазними јуниор од Пресил.
Видео :https://youtu.be/B5rAMazlU94
