Мечот за 2. место на табелата од плеј-аутот во машката ракометна Супер лига, Прилеп – Струга го добија домашните со 33:31. Трите бода за прилепчаните значат прогрес од третото кон второто место, кое всушност им е обезбедено затоа што стружаните, кои досега беа второпласирани, во последното коло се слободни.
Денешниот натпревар беше со иницијатива на Прилеп преку постојано водство, на полувремето со три гола разлика (18:15), потоа и со недостижни седум разлика. Стружаните до крајот само го ублажија поразот. Со оглед на тоа што е последен меч дома, вечерва беше разделба на екипата Прилеп со публиката, а публиката со тренерот Горан Кузманоски – Таста, кој најави преселба во друг клуб.
РЕЗУЛТАТИ 9. КОЛО: Скопје – Радовиш 25:29, Прилеп – Струга 33:31.
ТАБЕЛА: Пролет 23, Прилеп 15, Струга 14, Радовиш 6, Скопје 5.
ПОСЛЕДНО 10. КОЛО (29 мај): Радовиш – Прилеп, Пролет – Скопје.
