Вечерва во 20 часот, точно кога на 23 мај 2002 година започна финалето во Струмица пред преполн стадион помеѓу прилепска Победа и скопска Цементарница, на порталот Шампион.мк ќе емитуваме видео од тој важен настан од историјата на Победа – освојувањето на пехарот од Купот на Македонија. На овој начин одбележуваме 20 години од денот кога прилепскиот клуб го освои првиот и досега единствен трофеј од Купот, преку триумфот од 3:1 над Цементарница. . Стрелци беа: Толески во 79. минута за Цементарница, а М. Ѓокиќ во 20., Ќумбев во 86. и П. Ристовски во 90. од пенал за Победа. Тогаш тренер на Победа беше Мирсад Јонуз, а настапија фудбалерите: Завиша Пејиќ, Тони Мицевски, Панче Ристовски, Игор Николаевски, Дејан Батос, Панче Ќумбев, Раде Каранфилоски, Благојче Ѓорѓиоски – Баче (85. Дејви Главевски), Николче Здравески (69. Тони Мегленски), Сашо Крстев (61. Јесус да Силва Жилсон), Мирослав Ѓокиќ.
Видеото може да се гледа на овој линк:
