МНОГУ НОВОСТИ СЕ ОЧЕКУВААТ ОД ПОБЕДА

Од фудбалскиот клуб Победа најавија дека за сите новости ќе излезат пред јавноста најдоцна до крајот на идната недела, но кај навивачите, разбирливо, нема трпение. Тие прашуваат дали за нов шеф на Стручниот штаб е назначен Црногорецот Славољуб Бубања (според објава на некои портали) или на тоа место останува битолчанецот Димитар Капинковски? Има и други прашања – дали остануваат најдобрите првотимци, има ли нови играчи – засилувања (се зборува за доаѓање на Африканец), има ли заминати од клубот, кога стартуваат подготовките за новото првенство, до каде се преговорите со компаниите, потенцијални финансиери?

Тренерите и фудбалерите се на одмор од 14 мај, веднаш по завршувањето на претходното првенство.