Денеска е вториот меч од финалето на плеј-офот од пингпонгарската машка Супер лига. Победникот, со два добиени меча станува шампион. Дали шампионскиот пехар ќе биде доделен денеска или по седум дена, останува да го почекаме исходот од денешниот натпревар. Вчера во Крива Паланка домашниот тим со 4:1 го совлада Младост 96 од Прилеп и така поведе со 1:0 во добиени мечеви. На Крива Паланка и треба уште еден меч, па затоа можноста денеска да биде доделувањето на пехарот. Ако Младост 96 победи, резултатот ќе биде израмнет, 1:1, па кој ќе биде шампион ќе се знае следниот викенд во Крива Паланка.
Денешниот дуел е во 12 часот, во пингпонгарската сала до ДТВ Партизан во Прилеп.
