Денеска се одигра првиот меч од финалето на плеј-офот за добивање машки пингпонгарски шампион на Македонија. Во Крива Паланка домашниот тим со убедливи 4:1 го совлада Младост 96 од Прилеп, се уште актуелен шампион. Поединечно, Ивор Катиќ со 3:1 беше подобар од Андреј Лашкоски, потоа Мартин Стаменковски загуби со 0:3 од Стефан Костадиновиќ. Останатите три меча ги добија домашните со по 3:0, Кристијан Станојковски против Петар Костовски, Катиќ со Костадиновиќ, Станојковски со Лашкоски. Така, Крива Паланка поведе со 1:0 во добиени мечеви и и треба уште еден за да стигне до титулата. Утре (недела) во 11 часот е вториот меч во пингпонгарската сала до ДТВ Партизан во Прилеп. Доколку победи Крива Паланка, ја освојува титулата, ако пак утрешниот меч го добие Младост 96, ќе се игра и трет натпревар, следната недела во Крива Паланка.
ПЛЕЈ-ОФ: ДОМАЌИНОТ УБЕДЛИВО ПОБЕДИ!
