Се одигра мечот од полуфиналето на плејофот од Супер лигата на Македонија во пинг-понг за мажи. Во Струмица, Астраион со 3:4 загуби од Младост 96 од Прилеп. За домашниот Астраион две партии доби Лука Стојчев, една Дамјан Стојчев, а за гостинскиот Младост 96 две партии се од Србинот Ѓорѓе Борчиќ, една од Антонио Стомнароски, последната од двојката Андреј Лашкоски/Ѓорѓе Борчиќ. Бидејќи Младост 96 влезе во плејоф-полуфиналето со предност од 1:0 во мечеви (поради првото место на табелата од основниот дел и двете победи врз Астраион), сега се смета дека има веќе 2:0 во мечеви и на тој начин е првиот финалист. Утре (понеделник) можно е да се добие вториот финалист, по мечот Телеком нец 2 од Скопје со Крива Паланка.
Финалната серија почнува на 31 мај.
КОЈ ЌЕ БИДЕ ПРИЛЕПСКИ РИВАЛ ВО ФИНАЛЕТО, ВО БИТКАТА ЗА ТИТУЛАТА?
