Пред Универзалната сала во Прилеп предмалку е прогласен за отворен седмиот Меморијален ракометен турнир „Миле Нешковски“. При обраќањето кон стотина присутни роднини, пријатели, соиграчи, тренери, учесници, граѓани, гости, градоначалникот на Прилеп д-р Борче Јовчески, меѓудругото, рече:
– …Жал ми е што Прилеп прерано изгуби еден ваков ракометен борец, што денеска го немаме меѓу нас. Жал ми е и што не можеме токму тука, во Универзалната сала, да го одржиме турнирот посветен во негова чест. Се надевам дека условите ќе се променат и оваа спортска сала ќе биде отворена за младите кои го сакаат спортот и ракометот. А спортската сала, можеби, во иднина ќе го носи и неговото име Миле Нешковски за да го паметиме вечно…
Турнирот почнува вечерва во 18 часот во салата од СОУ „Ристе Ристески – Ричко“ со мечот Прилеп – ПАОК, а потоа е дуелот Дубочица – Мулти есенс.
