На теренот од стадионот „Могила“ во Прилеп претстојниот викенд има Светски куп во летови со мултиротори (дронови), организиран од клубот Фил феникс и ВФМ (Воздухопловната федерација на Македонија), според календарот на ФАИ (Интернационалната воздухопловна федерација). Ова е меѓународен натпревар со традиција, имајќи предвид дека Прилеп пред пет години беше меѓу првите градови-домаќини. Трките се мошне интересни за публиката, која може да ги следи од трибините. Секој пилот се труди преку своите вештини на управување неговиот дрон и со просечна брзина од 150 километри на час да помине низ сите капии што побргу до целта.
Се очекуваат учесници од Македонија и од странство.
