Денеска во Никшиќ, Црна Гора, се одржа Меѓународен турнир во џудо „Трофеј Никшиќ”, на кој учествуваа 400 џудисти од Црна Гора, Босна и Херцеговина, Хрватска, Албанија, Словенија и Македонија. Прилепскиот клуб „Сеишин“ иако настапи со мал број џудисти, петмина, успеа да освои три медала. Теодора Илиоска го зеде златото, Тамара Илиоска и Марко Ацески среброто.
Убава соработка меѓу џудо-клубовите од балканските држави. Пред две недели џудисти од седум држави, меѓу кои и од Црна Гора, учествуваа на Меѓународниот џудо-турнир „Прилеп град-херој Цевитана куп“.
