Попладнево (14 часот) на Градскиот стадион „Гоце Делчев“ во Прилеп е мечот Победа – Струга од 12. рунда на фудбалската Прва лига на Македонија. Иако е пазарен ден за прилепчаните, нема сомнение дека трибините по петти пат есенва ќе бидат исполнети. На Победа во борбата за опстамнок и треба поддршка против лидерот на табелата, Струга. Домашниот тим има фудбалери подготвени да извлечат максимум од себе, почнувајќи од голманот Дарко Тофилоски до напаѓачот Амасихоху Џејмс, додека во Струга одбраната е со прилепчанецот Дарко Илиески, нападот со Бесарт Ибраими.
ПОБЕДА: Тофилоски, Бошески, Ѓурковиќ, Стомнароски, Хани, Рамани, Паноски, Дадет, Мазари, Тодоров, Џејмс. Тренер: Бобан Бабунски.
СТРУГА: Ќосевски, Јахја, Бојку, Илиески, Шабани, Јусуфи, Касами, Мерџани, Малески, Радиќ, Ибраими. Тренер: Срѓан Захариевски.
ДРУГИ МЕЧЕВИ: Скопје – Шкендија, Работнички – Силекс, Шкупи – Тиквеш. Вчера Брегалница – Академија Пандев 1:0.
