В четврток е 3 Ноември, Денот на ослободувањето на Прилеп и по тој повод има шаховски брзопотезен турнир во организација на ШК Прилеп. Турнирот е нтересен по тоа што се одржува надвор, на отворено, под ведро небо. Во Прилеп има таква можност, место пред Домот на културата кое е само шаховско, со огромна табла. Тука, ваков турнир се одржа уште 2012 година, откога е фотографијата. Целта е да се вклучат во овој спорт што повеќе приврзаници. Така, овојпат ќе може да се игра шах не само во рамките на турнирот, ами и надвор од него, меѓу обични граѓани кои обично од оваа древна игра имаат партии по домовите, дворовите или парковите.Турнирот в четврток започнува во 11 часот, а пријавувањето на учесниците половина час порано.
Шахот во Прилеп има долга традиција, а и сега ја враќа масовноста. Така, претходниот викенд брзопотезен турнир имаше во Кривогаштани, на кој победи Благоја Колески со 8,5 поена од 9 партии, а беа 22 шахисти.
