Одбојкарите-ветерани на прилепски 11 Октомври, во декември се очекува да гостуваат во Струмица, на турнирот во организација на ОК Струмица. Ова е возвратна посета, по учеството на струмичаните на турнирот во Прилеп, на празникот 11 Октомври. Екипата 11 Октомври за овој настап има тренинзи по еднаш неделно. Во составот со Димитар Стрезоски, Теодор Ангелески, Зоран Пиловски, Методија Басароски, Далибор Рајевиќ, Мартин Наумоски, Гоце Бурмески, Илија Димоски, Влатко Лукароски и Пеце Талески, можно е приклучување на уште неколкумина.
Предводник на ветераните е легендарниот одбојкар Глигурче Локвенец, претседател на Сојузот на спортските ветерани од Прилеп.
.
