Секојдневни се тренинзите на Победа на Градскиот стадион „Гоце Делчев“ во Прилеп, под водство на тренерот Бобан Бабунски. Сите погледи одамна се свртени кон пресметката со Скопје, во борбата за оддалечување од местото кое значи отпаѓање од Првата лига на Македонија. Тоа можеше да се види пред три дена, кога без отпор беше загубен мечот дома со шампионот Шкупи. Според тоа, в недела прилепскиот тим ќе ги вложи сите сили за триумф и три бода. Важно е што на тренинзите речиси нема отсутни.
Дуелот Победа – Скопје е последен есенски на стадионот во Прилеп.
