Двата ракометни натпревара во салата од СОУ „Ристе Ристески – Ричко“ им припаднаа на гостите. Прво екипата Прилеп со 25:33 загуби од скопски Бутел во 13. коло од А-групата на машката Супер лига на Македонија. Резултатот можеше да биде многу поинаков, со оглед на водството на младиот прилепски состав од 18:16 во вториот дел. На полувреме беше 13:13. За Прилеп на ред е мечот од Купот дома со прволигашот Металург, а дури на 18 декември е првенствениот дуел во Куманово.
Во истата сала вечерва беше дуелот Деспина – Стружанка од 10. рунда на женската Супер лига. Прилепскиот тим добро почна, а добро се држеше во првото плувреме кога резултатот беше само 6:9 за стружанките. Сепак, на крајот убедлив триумф од 26:16 за Стружанка. Во следното коло, Деспина е фаворит со Кузман Вардар во Скопје.
