Ракометот го познаваме како игра во затворен простор, сала, на игралиште со дименизии 40 метри должина со 20 метри ширина. Но отсекогаш не било вака. Во Прилеп оваа игра почнува да се игра на фудбалскиот терен од стадионот „Гоце Делчев“. Тоа е во 1949 година. Мечот е меѓу екипа од Прилеп под името Гоце Делчев и Работнички од Скопје.Резултатот е 5:2 за гостите.
Веќе во следната 1950 година се формира лига во ракомет на територијата на Македонија, во која учесници се 7 тима: Работнички, Милиционер, Студент (трите од Скопје), Манчу Малиминов (Неготино), Работник (Битола), Црвена ѕвезда (Велес), Гоце Делчев (Прилеп). Лигата трае само три недели, а прилепскиот тим одигрува само еднаш, со Милиционер каде губи со 2:10.
Големиот ракомет е неатрактивен поради малиот број голови, па се игра само до 1953 година, а потоа го отстапува местото на малиот ракомет.
.
