Прилепчаните премногу го сакаат фудбалот, тоа се гледа во посетата на турнирот во мал фудбал „Свети Никола“. Салата од ОУ „Добре Јованоски“ е преполна со гледачи. Исполнети не се само седиштата, туку и сите патеки, па и сите места за стоење. Вкупно се на се овој објект собира околу 400 луѓе, што е премалку. Кога се во прашање прилепчаните, секоја сала е тесна кога се игра завршницата од малиот фудбал, бидејќи во сеќавање се настаните од пред години и децении во Универзалната и салата „Македонија“.
На вечерашниве натпревари од осминафиналето се постигнаа овие резултати: Скара на кило Кусио – Трисоро 6:1, Зона премиер – Афикс пласт 1:1 (3:1 на пенали), Виталија Ветаџока – Теа Андреа 2:0, Влав шпед – Ана Марија фуд 1:0.
Утре (четврток) програмата почнува од 18 часот со пионерски дуел, а потоа се четирите осминафинални мечеви во сениорската конкуренција.
