Тешко, претешко е за секој тим што настапува постојано на гостински или неутрален терен, а никогаш дома. Таков е случајот со Напредок од Крушеани, бившиот третолигаш. Долги пет години како домаќин менуваше терени надвор од Крушеани, во Обршани, на Могила во Прилеп… Сега конечно е подготвен домашниот терен и пролетва екипата ќе настапува во Крушеани, во мечевите од Општинската Б-лига, каде целта е пласманот во А-лигата.
Во врска со играчкиот кадар, костурот е задржан, а нови се Миодраг Тасески (Кадино, Скопје) и Никоче Ѓоргоски (Обршани), но има и повратници, како Андреј Петрески, Филип Шавкулоски, Даниел Мицески и Александар Цивкароски,
Во Б-лигата на ОФС Прилеп конкуренти на Напредок се Мажучиште, Братство (ГК), Боротино, Пролетер, Прилеп сити и Пелагонија (ПР).
