Во Врњачка Бања, Србија е Европското индивидуалното шаховско првенство. Конкуренцијата е страшна, а за квалитетот сами по себе говорат бројките. Учесници од 40 држави се 484 шахисти. Од нив дури 130 се велемајстори, 109 интермајстори, 115 фидемајстори. Во таква силна конкуренција има петмина од Македонија. Единствен со меѓународна титула е фидемајсторот Роберт Велески од Прилеп. Другите се: Антон Златков, Дино Табаковски и Давид Николовски од Скопје, Стојан Велкоски од Охрид.
Првенството, во кое највисоко, на двете први позиции се рангирани двајца од Ерменија – Габриел Саргисјан и Хак Мартиросјан, завршува утре со 11. коло.
