Екипата на Прилеп со 28:29 загуби од неготински Вардар во меч од првата група на Купот на Македонија. Во салата „Автокоманда“ во Скопје во првата третина од мечот подобри беа прилепчаните. Натаму водството го презедоа неготинчаните. На полувреме се отиде со 16:10 за Вардар. Но, тоа никако не значеше крај на возбудувањата. Во финишот Вардар го бранеше водството, бидејќи Прилеп го имаше нападот за израмнување. Ударот голманот го одбрани и така остана на семафорот 29:28 за Вардар. Утре за влез во полуфиналето од Купот Вардар ќе се бори со Алкалоид, тим кој со 25:24 беше подобар од Бутел.
Што се однесува до првенството, продолжува следниот викенд.
