Утре (среда) е денот за четвртфиналните натпревари од фудбалскиот Куп на Македонија за младинци. На игралиштето со вештачка трева во Прилеп, во 13 часот почнува мечот Победа – Академија Пандев. Борбата е за влез во полуфиналето.
Според табелата во Младинската супер лига Академија Пандев е фаворит, со оглед на 2. место со 35 бода во однос на Победа на 8. со 21. Меѓутоа, на неизвесност насочуваат меѓусебните дуели, во Струмица само 1:0 за домашните, во Прилеп 2:2.
УТРЕШНИ НАТПРЕВАРИ: Победа – Академија Пандев, Пелистер – Шкендија, Ренова – Работнички, Осогово – Македонија ЃП.
