Среда од 15 часот е 4. рунда од Втората фудбалска лига на Македонија, во тие рамки и мечот Победа – Арсими, на Градскиот стадион „Гоце Делчев“ во Прилеп. Се очекуваат многу гледачи, домашни навивачи, од најмалку две причини. Првата е што Победа е во залет, по освоениот вреден бод во Струмица кај Беласица. Втората причина за многу публика е гостинскиот силен тим на Арсими, кој собра 9 бода есенва, само еден помалку од водечките Македонија ЃП, Брегалница и Кожуф. Пролетоска во Прилеп успеа да победи со 3:0, а сега е на потег Победа да се покаже во подобро издание.
Главен судија на мечот е Христијан Божиновски, помошници Дарко Видиниќ и Милан Петров, четврти судија Иле Никодиноски, контролор Коле Василев (сите од Скопје), делегат Венцо Зафиров (Штип).
ДВОЈКИ ОД 4. КОЛО (среда во 15 часот): Победа – Арсими, Вардар Н. – Охрид, Башкими – Беласица, Новаци – Македонија ЃП, Саса – Борец, Вардарски – Брегалница, Осогово – Детонит, Скопје – Кожуф.
ТАБЕЛА: Македонија ЃП, Брегалница и Кожуф 10, Арсими и Башкими 9, Детонит 7, Новаци 6, Скопје 5, Победа и Вардар Н. 4. Беласица и Борец 3, Вардарски, Саса и Осогово 2, Охрид 1.
