Иако во неделата поднесе оставка за местото шеф на Стручниот штаб, тренерот Филип Мирчески не ја напушта Победа. Тој и натаму ќе биде во клубот, во Младинската школа. Всушност, тој оттаму и дојде во сениорскиот тим, откако макотрпната долгогодишна работа даде резултати, така што младинската екипа стана македонски шампион и одигра во Младинската лига на шампионите од УЕФА. Сегашниот сениорски тим на Победа е составен од фудбалери произлезени токму од Младинската школа.
Во Младинската школа, покрај Филип Мирчески тренери се уште Виктор Велјаноски, Златко Петрески, Дејан Јованоски, Христијан Сркески и кординаторот Кире Овезоски.
