Изминатиов викенд беа планирани фудбалски натпревари на повеќе нивоа низ Македонија. Времето беше вистински зимско, со снег и кал врз терените.Меѓутоа, беа донесени различни одлуки – едни мечеви се одложија, други се одиграа. Некаде се играше и покрај тоа што топката застануваше во калта.
Во Првата лига се одиграа следните натпревари од 15. рунда: Шкупи – Македонија ЃП 1:0, Работнички – Гостивар 0:0, Брегалница – Шкендија 2:2, Тиквеш – Брера 1:0. Одложени за 6 декември се Силекс – Вардар С. и Струга – Воска. Во Втората лига од 13. коло се одиграа: Арсими – Победа 8:1, Детонит – Охрид 1:0, Кожуф – Саса 3:2, Караорман – Новаци 1:3, Вардар Н. – Беласица 1:0, Пелистер – Башкими 4:0. Дуелите Скопје – Осогово и Беса – Тетекс се попладнево.
Сите натпревари од 11. коло на Третата лига – Југ беа одложени, освен Локомотива – Борец 0:3, а во 13. коло на Првата женска лига, Цевитана – Топ гол беше прекинат во 19. минута и се чека одлука од ФФМ.
