На пет кола до крајот на Првата женска фудбалска лига не се знае кој ќе биде шампион (Саса од Каменица има два бода предност пред Љуботен од Тетово), а од прилепски агол гледано интересна е борбата за опстанок (последниот тим отпаѓа, претпоследниот игра бараж).
Во врска со опстанокот, баражот и отпаѓањето, најзасегнати се екипите Топ гол (Битола) со 18 бода, Цевитана (Прилеп) и Речица (Куманово) со по 13. До крајот на првенството, Топ гол игра дома со Ас унитед и Љуботен – гостува на Саса, Шкендија и Скопје, екипата Цевитана дома игра со Ас унитед, Речица и Саса – гостува на Љуботен и Тиверија, додека Речица дома се среќава со Истатов, Ас унитед – гостува на Скопје, Цевитана и Љуботен. Последениот на табелата отпаѓа во Втората лига, а претпоследниот игра бараж против второпласираниот второлигаш, Вардар од Скопје. Нов прволигаш е Атлетико од Битола.
ПРВА ЛИГА, 22. КОЛО: Топ гол – Цевитана 3:0, Ас унитед – Истатов, Љуботен – Скопје, Речица – Шкендија 3:0, Тиверија – Саса 1:3.
ТАБЕЛА
СЛЕДНО 23. КОЛО: Цевитана – Ас унитед, Истатов – Љуботен, Скопје – Речица, Шкендија – Тиверија, Саса – Топ гол.
