Има и четврти новодојден во второлигашот Победа. Се работи за десниот страничен Матеј Ѓурчиновски, 20-годишен скопјанец. Тој претходно има настапувано за Слога Виница, Саса Каменица, Пехчево. Во родниот град има поминато во клубовите Форца – Вардар и Работнички.
Претходно на Победа и пристапија: 19-годишниот Никола Талески, досегашен напаѓач на струмичка Беласица. 21-годишниот крилен напаѓач Амир Фејзуловски, битолчанец кој досега беше член на второлигашот Детонит од Радовиш и неговиот сограѓанин 20-годишниот Мартин Андоновски, досегашен играч за врска од гевгелиски Кожуф.
Првиот пријателски меч е Победа – Борец, в среда(17 јули) во 18 часот, на Градскиот стадион „Гоце Делчев“ во Прилеп.
