ПОБЕДА ПО 18 ГОДИНИ ИМА ШАНСА ЗА ТИТУЛА

Екипата на Победа одлично игра во Младинската фудбалска лига и е со добри шанси за освојување на титулата шампион. Ова се случува по 18 години, по сезоната 2003/04 кога тимот воден од тренерот Кире Овезоски ја имаше златната генерација на чело со голманот Дарко Тофилоски. Пред малку на игралиштето со вештачка трева во Прилеп Победа го доби пелагониското дерби со Пелистер со 2:0, со головите на Филип Тодороски во 5. и Виктор Јорданоски во 25. минута. Така прилепската екипа е на 2. место со 31 бод од 13 меча, веднаш под Вардар со 36 бода од 15 меча. Вчера Шкендија – Вардар беше 1:1.
Во наредното коло Победа дома игра со последното, 14-то Скопје, а Вардар со 11-тото Работнички.