Вечерва стартува првенството од ракометната машка Супер лига, а еден од мечевите од А-групата е Прилеп – Алкалоид. Гледачите во салата на СОУ „Ристе Ристески – Ричко“ во Прилеп ќе имаат можност да го следат дуелот на екипите чии тренери се, за домашните Реваз Чантурија, за гостите Кирил Лазаров. Прилеп е долгогодишен суперлигаш, Алкалоид нов.
– Сигурно Алкалоид е еден сериозен проект, квалитетна екипа со неколку искусни играчи, на чело со легендата Кирил Лазаров. Ние како тим со вакви квалитетни натпревари можеме само да напредуваме. Како тренер ми е битно да има жар, борба, дисциплина, да се игра без страв, а доколку излезе шанса, да ја искористиме – вели Реваз Чантурија.
Мечот почнува во 18,30 часот.
.
