Огромен е интересот за присуство на гледачите на Хуманитарниот турнир во мал фудбал „Свети Никола“. Во салата од ОУ „Добре Јованоски“ секоја вечер се е е преполно – седиштата, патеките, местата за стоење. Важно е за вечерва дека за сениорските дуели програмата почнува порано, во 17 часот. Тогаш е мечот за 3. место помеѓу екипите Гостилница „Кај Мече“ (Охрид) и Виталија Ветаџока Стара фурна (Прилеп/Скопје). Следи ревијален меч меѓу ветераните на Победа и Пелистер, каде ќе можат да се видат на паркетот некогашните репрезентативци на Македонија. Од 19 часот е кулминацијата, големото финале Скара на кило „Кај Кусио“ (Прилеп) – Гостилница „Кај Џек“ (Скопје). За кого ќе биде победничкиот пехар и како ќе се поделат паричните награди од 240 илјади, 120 илјади и 60 илјади денари.
Салата е отворена за сите љубители на малиот фудбал кои сакаат да ги следат претходните натпревари за пионери во повеќе возрасни категории. Програмата за нив е почната од 10 часот.
