Само што почна Супер лигата на Македонија за млади категории фудбалери, веднаш чуден резултат. Во 1. рунда за младинци, Македонија ЃП – Скопје 15:0. И ова не е резултат по 90 минути, туку по првото полувреме. Гостинската екипа натпреварот го почнала со 9 играчи, а во 47. минута поради повреда останале само 6, па судиите означиле предвремен крај. На овој недовршен меч, Алтин Алији е стрелец на 7 гола, Никола Величковски на 5, Адмир Љатифи на 2 и Дамјан Антевски на 1 гол.
Во дуелите со Македонија ЃП и другите екипи на Скопје не поиминаа добро – помладите пионери се поразени со 0:1, постарите пионери со 0:4, кадетите со 0:10.
