Во салата на СОУ „Ристе Ристески – Ричко“ во Прилеп денешниов ден е посветен на џудото. Се одржува 13-то издание на Меѓународниот џудо-турнир во пионерска и кадетска конкуренција “Прилеп, град херој – Цевитана куп” во организација на клубот Сеишин. Учествуваат надежни џудисти од седум држави и 30 клуба, со вкупно 300 натпреварувачи. Има и високи гости, кои имале голем придонес за овој спорт.
Турнирот е по повод 11 Октомври, а со него се одбележуваат 20 години од постоењето на клубот-домаќин.
