Некогаш имаше многу шеги, анегдоти, хуморески, па и карикатури поврзани со фудбалот, со Победа. Автори на карикатурите беа врвните мајстори на овој вид уметност, Јово Ношпал и Живко Козар.
Тешко е да се каже која од карикатурите беше најинтересна, најсмешна, најдобра. Можеби најреална слика за времето од шеесеттите години на 20 век претставува карикатурата на Живко Козар со наслов „Знаменитости на Прилеп“, на која е група ученици од друг град на екскурзија во Прилеп, а учителката им објаснува: „Ете – ги видовте Марковите Кули, Могилата на непобедените, Саат-кулата…, а оние луѓе се фудбалерите на Победа!“
Подолу се уште неколку карикатури од двајцата автори.
