Екипата Деспина стигна до првите бодови есенва, победувајќи го со 24:20 тимот на Скопје, во 7. рунда од Супер женската ракометна лига на Македонија. Не беше лесно за тимот на тренерот Страшо Илиоски, со оглед на промените во текот на мечот. Иако Деспина водеше со четири-пет разлика, гостинките не се предаваа и се приближуваа, така што и во финишот имаше борба. Сепак, во одлучувачките моменти прилепчанките дадоа два гола за конечни 24:20. Екипата на Скопје ја водеше Андријана Будимир, а тука беше уште една легендарна ракометарка, Валентина Радуловиќ.
Во следното коло Деспина игра со Овче Поле во Свети Николе.
