Одморот завршува, стартува плеј-аутот од машката Супер-лига, почнува борбата за опстанок. В сабота (18,30 ч.) во салата на СОУ „Ристе Ристески – Ричко“ машкиот ракометен суперлигаш Прилеп за прв противник го има тимот Скопје. Екипата на Прилеп ја води битолчанецот Божидар Мојсов, а тренер на Скопје е прилепчанецот Оливер Димитриоски.
Ако се земе предвид есенскиот дел, каде во фазата по групи Прилеп освои 10, а Скопје само 2 бода, прилепскиот тим е голем фаворит. На табелата екипите имаат пренесени бодови од претходната фаза, Голден арт и Пелистер 2 по 3 бода, Аеродром и Прилеп по 2, Куманово и Мултиесенс по 1, Вардар Н. и Скопје се без бод. Само најдобрите три се спасуваат.
Прилепскиот тим има две засилувања: левиот бек Ангелче Органџиев (Тиквеш) и средниот бек Ерик Андраде (Бразил).
