Приближуваат деновите кога Прилеп ќе биде домаќин на врвно меѓународно натпреварување – Светското јуниорско првенство во воздухопловно моделарство во рамките на ФАИ – Светската воздухопловна федерација. Благодарение на инволвираните во овој спорт, особено од клубот Фил феникс, одржувањето е пет дена, од 6 до 10 август на теренот кај Веселчани. Настанот не е никаква случајност, туку очекуван континуитет. По учества на наши спортисти низ успеси на разни меѓународни купови и првенства, по организација на купови и првенства кај нас, претстојново Светско јуниорскјо првенство е достигнат врв.
Се она што претставува талент од светски рамки, доаѓа кај нас. Тука се бранители на титули и освојувачи на медали. Во голема борба се очекува да бидат претставниците на светските велесили САД и Кина. Тука ќе бидат и други големи држави – Франција, Германија, па Полска, Романија, Шведска, Украина, од Израел и далечна Монголија, од Словачка, Чешка и Естонија, а од најблиските земји се Унгарија, Босна и Херцеговина и Бугарија.
Голема битка е извесна за секој медал. Категориите се: Ф1А (едрилици), Ф1Б (гуменици), Ф1Ц (качувачи). Репрезентацијата на Македонија е од тројца прилепчани – Лука Најдоски, Михаил Пожарски, Дино Најдоски и охриѓанецот Петар Цветановски. Прилепчаните се пријавени во категоријата Ф1А, а охриѓанецот во Ф1Б. Претходно Лука Најдоски заедно со Димче Велкоски и Анастасија Пожарска беа на Европското сениорско во Романија каде за Македонија постигнаа 19. место од 27 држави.
Тоа не е се. На 3 и 4 август, во пресрет на Светското првенство, градов е домаќин на Светскиот куп “Прилеп куп – Трофеј на Прилеп”,
