Спортот ја игра својата улога во општеството само ако во него се случуваат убави, позитивни нешта. Таков пример е пинг-понгот. Во Пингпонгарската сала во Прилеп тренираат и играат натпревари дури седум екипи. Кога се сака, се се може!. Братски се договараат за термините. Покрај сениорските машки на клубовите Младост и Младост 96, членови на Супер лигата, обновен по седум-осум години е клубот Прилеп, кој ќе учествува во Втората лига. Исто така, тука е женската сениорска екипа на Младост 96, а во системот-натпревари од Пингпонгарската федерација на Македонија се и јуниорскиот машки тим на Младост , како и два јуниорски тима – женски и машки од Младост 96.
Претходниов викенд стартуваа јуниорските лиги, а следниот на ред се сениорските.
