Фудбалскиот клуб Победа пак е прволигаш и сега сите погледи на прилепчаните се свртени кон новото првенство. Како еден од приоритетите е решавањето на финансискиот дел. Повисок ранг на натпревари – поголем буџет. Кон таа цел веќе совреме се движат активностите. Како што дознаваме, се јавиле заинтересирани неколку компании кои покажале интерес да влезат во клубот. Ова секако е очекувано, со оглед на случувањата од август па наваму, патот кон Првата лига, играта, резултатите на Победа, амбиентот од илјадници гледачи во Прилеп. Со компаниите веќе почнале преговори. Доколку се постигне договор, клубот ќе ги објави деталите.
Во меѓувреме, следи обврската за одигрување на последниот дерби-меч со Слога во Виница, потоа е одморот во кој ќе има преговори со тренерите и играчите за благовремено да се знае кој ќе се појави на првата прозивка во пресрет на подготовките за Првата лига.
