Шкендија со 3:1 ја доби Победа на „жешкиот“ терен во Прилеп. Силното бодрење од близу 3000 домашни гледачи не беше доволно за прилепскиот тим да издржи до крајот, по водството од 1:0. Тоа се случи во 12. минута, кога по изведениот корнер оддесно од Марио Наумоски, високо со глава скокна Србинот Огњен Ѓурковиќ и погоди на вистинското место, во гостинската мрежа.
Победа се бореше лавовски во првиот дел, имаше уште една можност преку Атхе Мазари, и, кога се чинеше дека со предноста ќе го дочека второто полувреме, во 45. минута Љупчо Дориев по влезот оддесно, со лоб ја погоди мрежата на спротивната страна за 1:1. Одличниот голман Дарко Тофилоски совладан, а претходно и потоа повеќепати спречи радост за гостите. По ова, тетовчаните се осоколија и тргнаа посилно во напад, а како плод на тоа е водечкиот гол во 53. минута преку Аденис Шала за 1:2. Шест-седум минути подоцна, Наумоски биеше со глава, Захов одбрани и до крајот пак иницијатива на гостите, со шанси, две греди, само кусо запрена во 88. минута по црвениот картон за Бразилецот Вагнер Гончалвес. Во 90+2. минута пак Дориев на сцена со силен шут под пречката го постави конечниот резултат 1:3 за Шкендија.
Во следното 10. коло Шкендија – Брегалница, Силекс – Победа.
ПРВПАТ БЕЗ КАПИТЕНОТ
Во екипата на Победа, поради повреда, не беше досегашниот капитен Бојан Спиркоски. Во претходните седум меча секогаш беше стартер. Денеска капитенската лента ја носеше Дарко Тофилоски. Имаше уште неколкумина заздравени кои настапија во второто полувреме.
Поради повреда отсуствува и Марко Симуновиќ.
ПОБЕДА (4-3-3): Тофилоски – Мазари, Делов, Ѓурковиќ (62. Галевски), Амо (23. Паноски) – Рамани, Хани, Дадет (62. Тодороски) – М. Наумоски, Тодоров (70. Петејчук), Џејмс (70. Коцев). Тренер: Бобан Бабунски.
ШКЕНДИЈА (4-3-3): Захов – Незири, Бејтулаи, Цаке, Мурати (46. Велија) – Хасани, Шала (84. Гончалвес), Билали (72. Р. Рамадани) – Ф. Рамадани (65. Дита), Дориев, Елези (46. Стојановски). Тренер: Ќатип Османи.
СТАТИСТИКА
ПОБЕДА – ШКЕНДИЈА
3/3 удари/во гол 18/10
1 корнери 9
4 офсајди 5
6 прекршоци 10
2 жолти картони 3
0 црвени картони 1
Шанси и голови од натпреарот на следниов линк:
