Утре и задутре на теренот од стадионот „Могила“ во Прилеп има Светски куп во летови со мултиротори (дронови), организиран од клубот Фил феникс и ВФМ (Воздухопловната федерација на Македонија), според календарот на ФАИ (Интернационалната воздухопловна федерација). Учествуваат над 20 пилоти од шест држави во две категории – јуниорска и сениорска. Македониците Бојан Ников, Александар Ников и Бошко Петрески имаат ривали од Србија, Бугарија, Хрватска, Турција и Чешка. Претстои битка за освојување поени за светската листа од ФАИ.
Гледачите ќе можат од трибините да ги следат трките на дрновите кои развиваат брзина и до 150 километри на час.
