Којзнае дали некогаш се има случено, освен точно пред 50 години, летото 1973 година. Тогаш квалификациски натпревари за опстанок во Втората лига на Југославија одиграа Победа (Прилеп) и ГОШК Југ (Дубровник). Првиот меч во Дубровник заврши со триумф на Победа со 3:0, со два гола на Ристо Глигороски и еден на Гоце Манески. На тој меч дури три пенали одбрани голманот Благој Истатов. На теренот од стадионот „Лапад“ прво шутираше Марио Бониќ – Истатов одбрани, но судијата досуди повторување на пеналот. Овојпат од белата точка шутираше Анте Голијан – Истатов вторпат одбрани. Подоцна во играта е досуден уште еден пенал. Го изведе Давор Накиќ – Истатов пак несовладлив.
На реваншот во Прилеп, Победа победи со 2:0, со гол на Ристо Глигороски и еден автогол. И на мечот на теренот од стадионот „Гоце Делчев“ е досуден пенал за ГОШК Југ. Го изведе најдобриот голгетер на тимот Марио Бониќ. Шутираше со сета сила, но топката се одби од гредата и – Истатов по четврти пат несовладан. Победа во групата со ГОШК Југ и ОФК Титоград го освои првото место и остана и натаму член на Втората југословенска лига.
Благоја Истатов по завршувањето на овие квалификации се пресели во прволигашот Партизан од Белград.
